毅行教室｜《金齡活動》
日期：29.04.2026 (星期三)
氣溫：17–22°C
濕度：76%
金齡班訓練記 · 每月的期待
今朝大家喺粉嶺集合，簡單講解完路線就精神奕奕出發，沿途經過鶴藪水塘，向住九龍坑山邁步。走入清涼樹林，大家邊行邊傾，分享近況同趣事，氣氛好輕鬆。
天濕路滑，去到難度高嘅路段，正好考驗大家嘅毅力同技巧，每一步都要專注同堅持。好快，大家順利登上九龍坑山，打卡留念再稍作休息，之後輕鬆返到起點，完美收結今日行程。
金齡班希望大家學到正確行山技術，推廣健康生活方式，同時喺笑聲同身體力行中強健身心，建立彼此嘅連結。
五月金齡越野體驗班快將登場，記得留意日期，一齊再接受挑戰！！一齊享受山野帶嚟嘅快樂！！
第四期第三課主題：咪擔心 · 順變 日期：29.04.2026 (星期三) 氣溫：17–22°C 濕度：76% 今朝天氣唔太穩定，有「中女」仲笑住問：「會唔會取消呀？」 結果天公依然眷顧，成程大部分時間都係陰天，最後落咗少少雨，仲幫手降溫 ，大家都可以順利完成課堂。 其實大家最擔心嘅，唔係天氣，而係錯過一次訓練。因為每一課都好重要，開心就唔使多講 。雖然運動量睇落去好似簡單，好似打卡多過行 ，但日子有功，功力慢慢滲透，聚沙成塔，成果已經喺大家身上見到 。 每一步都係毅力嘅累積…
2023年12月16日，周六，即使當天氣温急降，但仍然無阻140名參與 U16 越野跑選拔學生選手們的熱情。 他們在大埔林村集合，上午出席了跑步測試，下午就跟毅行教室的教練們上山練習。 在此感謝各位參與者、家長和義工的支持和信賴。 U16 青少年越野跑訓練班選拔過程 是次活動之測試結果，將會在2023年12月28日，在本基金會的 Facebook 公佈。成功入圍之參加者將會個別收到通知，敬請留意。
毅行教室｜毅行訓練團隊2026 訓練通知 4月19日第一課的越野實習路線資料已經透過 WhatsApp 發送 。 如果你未收到，麻煩直接留言或聯絡 6836 8300。 我們希望大家都能順利掌握最新資訊，一齊投入訓練，享受過程！