毅行教室青少年訓練計劃跑步班2023年第二期正在招生中。所有報名人士均要接受跑步測試，經篩選後再參與8課訓練。
*獲挑選者方能參加訓練
WhatsApp: 6836 8300
毅行教室慈善基金管理層兩位成員取得兒童心理學專業行政文憑證書。 本會的主要服務對象是十八歲以下的青少年和兒童，透過跑步和行山，以提高他們的自信心、發展他們之潛能。本會副主席謝淑怡及幹事陳樹恩報讀由香港管理專業協會主辦的兒童心理學專業行政文憑課程。 其目標是全面了解兒童或青少年的特質、內心想法以及整體的身體和心理發展，以及正確處理兒童的行為問題或情緒狀況。
日期：08.11.2025 （星期六） 氣溫：23-28 °C 濕度：78% 訓練點滴｜家長小問答 每個星期六U16青少年越野班都進行多元化訓練。即使大家唔係親身參與，只係睇相，都會感受到當中嘅力量與歡樂！ 我們偶爾都會收到家長的提問，今次就試下用簡單直接的方式，回應兩個常見問題： 1.「話係越野跑，點解唔見成日跑步嘅？」 其實訓練係循序漸進，先學基本功、技術、節奏，再加入跑步元素，例如接力賽、節奏跑等，唔係每次都全程跑，我們會按訓練計劃循序漸進，讓學員在穩固基礎之下自然進步，一齊見證成長。 我們重視基礎訓練，包括核心肌力、平衡感、步伐節奏、上下坡技巧等，這些都係安全跑山的根基。 2.「點解同一日上堂我個小朋友去嘅地方唔同其他人？」 因為我們採用分組分程度的方式進行訓練。每位學員都有唔同起點與節奏，我哋會根據體能、經驗與進度，安排最適合佢哋嘅訓練路線與挑戰。 每季仲有一次內部錦標賽，係隊員表現自己嘅好機會！家長嘅支持好重要，唔止睇到子女進步，仲可以了解訓練內容。我哋教練亦會藉此觀察，調整未來訓練方向，幫助每位學員走得更遠！ 我們非常感謝家長的關心與支持。
📅 日期：03.12.2025 (星期三） 🌡 氣溫：16-21°C 💧濕度：62.5% 大家高高興興😊咁出發，一路傾吓計、聊聊天🗣，天南地北什麼都講。之後再一齊跑一跑，郁一郁，出出汗，「中女移動」就係咁簡單：動動、笑笑、放鬆～完全無壓力，輕輕鬆鬆享受過程。唔需要做運動鐵人，亦唔需要變身健身達人。 三個鐘頭嘅「中女移動」，就係咁輕鬆走、輕鬆笑、輕鬆減壓，俾身心都好好充電🔋！ 傾到運動目標，順應大家嘅心意，下一課開始就會滿足大家嘅願望 🧘♀。呢度唔係比賽，唔一定要跑，唔一定要跳；可以學習、可以感恩，一齊探索更多機會，發掘一個更好嘅自己。