日期：12.11.2025 （星期三） 氣溫：22-23°C 濕度：59% 【老友記越野行｜齊齊行山 齊齊開心】 40位充滿活力的金齡朋友齊集大尾篤，參加由香港電台第五台《有你同行家樂徑》主辦的戶外活動，一齊探索趣味十足的「12生肖路線」。雖然路程不算長，但每一步都充滿歡樂！ 在這段溫馨又充滿笑聲的旅程中，大家不但學會了安全上落樓梯的小技巧，還開心同靚景同節目主持人打咭留念，互相鼓勵、互相照顧，沿途笑聲不絕。最令人感動的是，每位參加者都勇敢地踏出舒適圈，突破自己，完成一件看似簡單但意義非凡的事——這份勇氣與堅持，值得大大讚賞！ 活動一開始，主持人與KK Sir輕鬆交流，介紹活動背景及參加者，並細心講解當日路線、預計時間及安全事項，讓大家安心出發，信心滿滿。 整個活動不止是行山，我們更希望老友們能夠從中體會到： • 行山對身心健康的好處…
日期：08.11.2025（星期六） 氣溫：23-28°C 濕度：76% 【V領袖團今日拳擊挑戰！】 跨項目訓練唔止出汗，更係訓練領袖素質！今日教練引導我哋一齊揮拳、閃避、堅持到底，鍛鍊身體協調、爆發力同抗逆力 拳擊訓練結合V團五大核心方向 精益求精｜ 安全意識｜ 回饋社會 認識香港｜ 建立連結 下一站，繼續挑戰！
日期：08.11.2025（星期六） 氣溫：23-28°C 濕度：76% 主題：跨項目體能訓練 x 灣仔文化探索任務 各位V 青少年領袖團員積極參與第三回活動的前期準備！在早前的投票中，大家從多個灣仔特色景點中做足資料搜集，選出了最具代表性的四個地點，得票最高的分別為： 藍屋（13票） 金紫荊廣場（8票） 舊灣仔郵政局（7票） 利東街（5票）…
第三期｜ 進階班 06.11.2025 第八課。今日係本期金齡進階班最後一課，一眾學員成功挑戰獅子山👏🏻👏🏻💪🏻，齊心登頂！ KK Sir 今日化身專業攝影師，親身示範點樣企位、點樣捕捉藍天白雲，仲細心講解影相時要留意角度、光線同構圖，務求令每張相都自然、有層次又充滿美感。仲全程都不忘提醒大家：安全、安全、再安全——呢點永遠擺第一，影得靚唔緊要，安全先至最重要！ 呢位攝影師真係無得輸👍，技術一流，眼光獨到，最叻就係影出大家最自然同大家最真摯嘅笑容！ 咁開心，原來仲有驚喜——最後一課仲有證書頒發🎓！大家影得靚、玩得投入，又有收穫，完美😍！ 感謝每位學員嘅投入與堅持，期待下期再見，繼續一齊挑戰、一齊開心！💫祝願大家身體健康，長走長有！ 合辦機構： 救世軍大埔長者綜合服務大埔長者社區服務中心
日期：04.11..2025(星期二） 氣溫：22-26°C 濕度：58% 每隔一段時間，我哋教練都有啲新意思，我們會拼合組別練習，互相鼓勵、互相「激勵」！！ 今天兩隊合練，氣氛熱烈，隊員你追我趕，跑出不少新火花！ 大家都投入其中，不但提升了節奏感和鬥志，有些同學更突破自己，創下PB（個人最佳成績），皆大歡喜！
日期：02.11.2025 (星期日） 氣溫：23-27°C 濕度：59% 今朝我哋喺新界集合，進行一課輕鬆調整身心嘅訓練～不用追時間，不會拼速度，純粹享受腳步、呼吸同陽光 大家都輕鬆完成，狀態慢慢回來啦，正！ 下星期將會進行最後一課長課訓練，到時候大家加把勁，為毅行加油！ 同時，我哋亦要特別感謝富途證券第二年持續贊助與支持我們毅行教室 。這份支持對我哋教室有莫大鼓舞，更為青少年越野訓練的推廣增添深遠意義。
📅 日期：02.11.2025 (星期日）🌡 氣溫：23-27度💧濕度：59% 今朝我哋喺新界集合，進行一課輕鬆調整身心嘅訓練～不用追時間，不會拼速度，純粹享受腳步、呼吸同陽光☀大家都輕鬆完成，狀態慢慢回來啦，正！
日期：01.11.2025 （星期六） 氣溫：17-23 °C 濕度：58% 【佛你跑 2025】 在寶蓮禪寺天壇大佛下，超過千人齊聚山野，從三歲童跑到八十歲長者，甚至四代同堂一同起步，一同參與「佛你跑 2025」！ 今年，毅行教室慈善基金不只參與義工服務，更派出 U16 青少年隊員挑戰…
📅 日期：26.10.2025 (星期日）🌡 氣溫：25-29 度💧濕度：80% 💥 大長課完成！今次挑戰路線是麥徑第四至十段，路程長、起伏多，但最後每一隊都成功達標，全部堅持到底！ 沿途有笑聲、有辛苦、有「我唔得喇」的時刻，也有「我唔可以放棄」的堅持。有隊員中途想停低，但見到大家繼續撐，都咬緊牙關一齊行落去！